Йогышлы хайван авыруларының республика территориясенә үтеп керүен һәм таралуын булдырмау буенча республика штабы утырышы узды
Бүген Татарстан Республикасы авыл хуҗалыгы һәм азык-төлек министрлыгында йогышлы авыруларның, шул исәптән аеруча куркыныч хайваннарның республика территориясенә үтеп керүен һәм таралуын булдырмау, Спас районында дуңгызларда африка чумасы чыганагы ачыклану сәбәпле, республика штабы утырышы узды. Киңәшмәдә республика штабы әгъзалары, Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдинов, Ветеринария һәм фитосанитар күзәтчелек федераль хезмәтенең Татарстан Республикасы буенча идарәсе җитәкчесе Илнур Галиев, биологик ресурслар буенча Татарстан Республикасы дәүләт комитеты рәисе Федор Батков, шулай ук муниципаль берәмлекләр башлыклары, башкарма комитетлар җитәкчеләре, дуңгызчылык һәм кошчылык хуҗалыклары җитәкчеләре, шулай ук эре мөгезле терлекләрне тоту буенча җитәкчеләр катнашты.
Республикада эпизоотик хәл турында Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдинов хәбәр итте. Аның сүзләренә караганда, соңгы вакытта Россия Федерациясендә дуңгызларның африка чумасы вирусы киң колач алды. Әлеге инфекция буенча имин булмаган дип яңа төбәкләр игълан ителә. Доклад барышында әйтелгәнчә, агымдагы елның 6 августында Спас район ветеринария берләшмәсенә Спас районының Идел буе бистәсендә урнашкан шәхси ярдәмче хуҗалыкта дуңгыз үләксәсе турында мәгълүмат кергән. Африка чумасы вирусыны дуңгыз мәетеннән чыгару өчен пробалар сайлап алынды һәм тикшерү өчен «ВНИИЖЗ»ның Татарстан сынау лабораториясенә юнәлдерелде, 7 августта дуңгызларның африка чумасына уңай диагноз урнаштырылган. Татарстан Республикасы Спас муниципаль районында африка чумасы вирусының таралуын һәм бетүен кисәтү буенча гадәттән тыш хәлләр комиссиясе утырышы үткәрелде. Эпизоотик учак билгеләнде. Яндырыла торган зона эпизоотик учак чикләреннән 5 чакрым радиуста билгеләнгән. Аңа Спас районының 3 торак пункты: Болгар шәһәре, Идел буе бистәсе, Ржавец авылы керә.
Шәхси ярдәмче хуҗалык милекчеләренә кош-кортны ябык урында тотуны, йорт кошларының табигый сулыкларга чыгарылмавын, рәсми булмаган җитештерүчеләрдән йорт кошлары сатып алмаска, сатучыдан ветеринария документларын сорарга һәм кош-корт авырганда районның ветеринария хезмәтенә кичекмәстән мәгълүмат бирергә тәкъдим ителде. Мондый чараларны үтәү кош гриппын кертүдән яклауны тәэмин итәргә мөмкинлек бирәчәк. Аеруча куркыныч инфекцияләрне таратуда терлек һәм кош-корт сатып алучылар билгеле бер роль уйнарга мөмкин.
Республикага рөхсәтсез рәвештә терлекләр һәм кош-корт кертү очракларын булдырмаска; республикага терлек кертүне Баш ветеринария идарәсе һәм Россельхознадзор идарәсе белән килештерергә; «Меркурий» системасында ветеринария рөхсәте документы рәсмиләштерергә; республикага Казакъстан Республикасыннан, шулай ук аның белән чиктәш Оренбург, Самара, Саратов, Әстерхан өлкәләреннән терлек кертүне булдырмау һәм республика территориясенә кертелгән теләсә нинди терлек карантинга куелырга тиешлеге тагын бер кат искәртелде.