Дәүләт ветеринария берләшмәләренең ветеринария табиблары аттестация узды

2022 елның 5 июле, сишәмбе

"Казан Агросәнәгать паркы" лабораториясендә Татарстан Республикасы Дәүләт ветеринария берләшмәләренең ветеринария табибларын аттестацияләү узды. Аттестация комиссиясе составында Татарстан Республикасы Министрлар Кабинетының Баш ветеринария идарәсе башлыгы урынбасары Илдар Ногманов та катнашты.

Аттестация кысаларында ветеринария табиблары хайваннар һәм үсемлекләр продукциясенә ветеринария-санитария экспертизасының теоретик һәм практик белемнәрен ачалар.
Татарстан Республикасы Министрлар Кабинетының Баш ветеринария идарәсе боерыгы нигезендә, ит чалу вәкаләтенә ия булган ветеринария экспертлары өчен планлы аттестация өч елга бер тапкыр үткәрелә.