Казанга “Ветеринария үзәге” федераль оешмасы директоры Юрий Барсуков килде

2022 елның 29 июне, чәршәмбе

Бүген Казанга эш визиты “Ветеринария үзәге” федераль оешмасы директоры Юрий Барсуков һәм өстәмә һөнәри белем бирү бүлегенең баш белгече Алексей Пугачев килделәр. Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдинов озатуында кунаклар Казан дәүләт ветеринария берләшмәсенең Үзәк ветеринария клиникасында булдылар, анда алар лаборатор-диагностик һәм дәвалау җайланмалары, шулай ук хезмәтне оештыру белән таныштылар.