Россия галимнәре йорт кошларында була торган йогышлы ринитка каршы яңа вакцина уйлап тапты
Россельхознадзор карамагындагы Хайваннарның сәламәтлеген саклау федераль үзәге («ВНИИЗЖ») яңа вакцина "АвиКор-3" эмульсиясен теркәде. "Йорт кошларында була торган йогышлы ринитка каршы күпьеллык фәнни тикшеренүләр нәтиҗәсендә «ВНИИЗЖ» белгечләре универсаль, имин һәм нәтиҗәле яңа препарат булдыра алдылар», - дип хәбәр иттеләр "ВНИИЗЖ" матбугат хезмәтендә.
Вакцина тавыкларда Avibacterium paragallinarum бактерияләре китереп чыгара торган йогышлы ринитка профилактика чарасы буларак уйлап табылган. Яңа вакцинаны нәселле кош үрчетүдә, ит һәм йомырка җитештерү өлкәсендә кошчылык хуҗалыкларында кулланырга мөмкин булачак. Галимнәр ветпрепаратның кошларда вакцинация уздырганнан соң 3 атна үткәч, иммунитет формалашуын әйтә. Иммунитетның дәвамлылыгы - 6 айдан да ким түгел.
"Россиядәге эпизоотик вазгыять буенча фикер йөрткәндә, универсаль чит ил вакциналары еш кына Россия территориясендә кошчылык хуҗалыкларында кулланганда аз нәтиҗә бирә, чөнки чит ил вакциналарында кулланыла торган штаммнардан җирле вирус штамнары биологик үзлекләре буенча аерыла", - дип билгеләп үтте галимнәр. «АвиКор-3» вакцинасы Россия Федерациясе территориясендә әйләнештә булган бактерияләр күзәнәкләренең инактирлашкан формальдегидыннан ясалган.
Әйтергә кирәк, галимнәр «АвиКор-3» препаратының куркынычсыз булуын һәм нәтиҗәлелеген клиник сынаулар һәм илнең кошчылык хуҗалыкларында сәнәгать шартларында сынаулар үткәргәндә исбатлаган.