Россиядә яңа үләт базлары төзүне тыярга телиләр
Россиядә яңа үләт базлары төзүне Россия Федерациясе Авыл хуҗалыгы министрлыгы тарафыннан эшләнгән закон проекты тәкъдим ителә. Документ норматив хокукый актлар проектлары порталында фикер алышу өчен тәкъдим ителде.
"Закон проектының төп максаты булып биологик калдыклар белән эш итүне хокукый җайга салуны камилләштерү, үләт базларын эксплуатацияләү һәм бетерү тора", - диелгән аңлатма язуында.
Авыл хуҗалыгы министрлыгы мәгълүматларына караганда, Россия территориясендә 14 меңгә якын үләт базы бар. » Шуларның 46% ы гамәлдә, биологик куркынычсызлыкка яный ала", – дип билгеләп үттеләр министрлыкта.
Шуңа күрә закон проекты белән яңа үләт базлары төзүне генә түгел, гамәлдәгеләрен дә тыярга тәкъдим ителә.
Моннан тыш, закон проектында үләт базларын эксплуатацияләү буенча ветеринария кагыйдәләрен эшләү каралган. Бу кагыйдәләрне авыл хуҗалыгы министрлыгы әзерләячәк.
Шунысын да билгеләп үтәргә кирәк, төбәкләрдә хуҗасыз үләт базларын бетерү буенча эш алып барыла. Әйтик, Амур өлкәсендә бу ел ахырына кадәр биш районда 80нән артык хуҗасыз үләт базларын бетерү планлаштырыла. Бу проблеманы тулысынча 2024 елда хәл итәргә ниятлиләр.
Проектка аңлатма бирүдә әйтелгәнчә, хәзер ветеринария өлкәсендә «ВетИС» федераль дәүләт мәгълүмат системасында биологик калдыкларны утильләштерүгә бәйле объектлар турында мәгълүмат бар. Закон проекты белән кертелә торган мәгълүматны төгәлләштерергә тәкъдим ителә. Биокалдыклар белән эш итү белән оешмалар гына түгел, шәхси эшмәкәрләр һәм физик затлар (шул исәптән крестьян хуҗалыклары җитәкчеләре һәм шәхси ярдәмче хуҗалыклар хуҗалары да шөгыльләнә) шөгыльләнә, дип аңлаттылар проектны эшләүчеләр.
Татарстан Республикасы Авыл хуҗалыгы һәм азык-төлек министрлыгында тагын бер проблемага игътибар иттеләр: хәзер ветеринария өлкәсендәге законнар буенча «биологик калдыклар»төшенчәсен киң трактлау күздә тотыла. Шуңа күрә проект белән бу төшенчәне аныклау һәм биокалдыклар исемлеген төгәлләштерү тәкъдим ителә.