Буа ветеринария техникумының 90 еллыгына мәктәп балалары өчен "Һөнәр академиясе" ачылды
Быел Буа ветеринария техникумы үзенең 90 еллыгын билгеләп үтә. Бу уңайдан мәктәпкәчә һәм мәктәп яшендәге балалар техникумында "Һөнәр академиясе"н ачу тантанасы булды. Тантаналы чарада Татарстан Республикасы Министрлар Кабинетының Баш ветеринария идарәсе башлыгы урынбасары Илдар Ногманов катнашты.
Татарстан Республикасы Министрлар Кабинетының Баш ветеринария идарәсе башлыгы исеменнән Илдар Ногманов техникум студентларын һәм коллективын уку йортының юбилее белән котлады, укуда уңышларга ирешкән студентларга бүләкләр тапшырды. Илдар Ногманов сүзләренә караганда, Буа ветеринария техникумы - динамик рәвештә үсә торган югары белем бирү стандартлары булган техникум.
«Шушы катлаулы елларда техникум әйдәп баручы фәнни, мәгариф һәм тикшеренү үзәгенә әверелде, ул ветеринария табибларының, зооинженерларның, биологик һәм азык-төлек производстволары технологларының югары квалификацияле кадрларын әзерләү эшенә бәяләп бетергесез өлеш кертте», - дип билгеләп үтте ул.