Корбан бәйрәмендә республикада ветеринария-санитария иминлеген тәэмин итү буенча матбугат очрашуы узды
26 майда Татарстан Республикасы Министрлар Кабинетының Баш ветеринария идарәсе башлыгы урынбасары Габделхак Мотыйгуллин «Корбан бәйрәмендә республика территориясендә ветеринария-санитария иминлеген тәэмин итү» темасына матбугат конференциясендә чыгыш ясады.
Ветеринария-санитария иминлеген тәэмин итү һәм йогышлы авыруларны кудырудан саклау өчен республикага әзерлек алдан ук башланды, чөнки корбаннарны алдан кайтаралар.
32 субъекттан, аерым алганда, Амур, Әстерхан, Волгоград, Воронеж, Еврей, Калуга, Кострома, Ленинград, Липецк, Мәскәү, Тамбов, Түбән Новгород, Оренбург, Пенза, Ростов, Рязань, Саратов, Смоленск, Чиләбе өлкәләреннән; Адыгея, Дагыстан, Ингушетия, Калмыкия, Кабардино-Балкария, Башкортстан, Тыва, Хакасия, Краснодар, Байкал, Ставрополь, Хабаровск, Пермь крайларыннан сарык терлеге алып керү тыела.
30 төбәктән, аерым алганда Амур, Әстерхан шәһәрләреннән кертү тыела. Волгоград, Еврей, Иваново, Калуга, Кострома, Ленинград, Мәскәү, Түбән Новгород, Псков, Ростов, Рязань, Смоленск, Тверь, Тула, Ярославль өлкәләре; Адыгея, Дагстан, Ингушетия, Кабардино-Балкария, Калмыкия, Карачай-Черкессия, Төньяк Осетия – Алания, Чечен Республикасы; Краснодар, Байкал арты, Ставрополь, Хабаровск, Приморье крайларыннан сарыклар һәм кәҗәләр кайтару тыелган..
Әгәр дә регионнар бу авырулар буенча имин булса да, бу авыруларга каршы вакцинация үткәрәләр икән, республикага әлеге төбәкләрдән кертү тыела.
Бу йогышлы авырулар белән хайваннар гына түгел, алар кеше өчен дә куркыныч.
Габделхак Мотыйгуллин: «Россия Федерациясендә йогышлы авырулар буенча хәл катлаулы, шуңа күрә без түбәндәгеләрне тәкъдим итәбез.
Соңгы елларда республикада авыл хуҗалыгы министрлыгы ярдәме белән сарык баш саны арта бара. Республикада өч йөз меңгә якын сарык бар. Бу юнәлеш безнең министр Марат Азат улы Җәббаровта аерым контрольдә.
Республиканың эчке ихтыяҗлары өчен сарыклар Татарстан хуҗалыкларында да җитәрлек дип санала. Шуңа күрә корбанлык терлекләрне Татарстан терлекчеләреннән сатып алу хәерлерәк.
Шул рәвешле, республиканы йогышлы авырулар кертүдән сакларга һәм сарыклар үрчетү белән шөгыльләнүче Татартан халкына сизелерлек ярдәм күрсәтергә дә мөмкин.
Терлек кертүгә төп таләпләр түбәндәгечә: хайваннарның йогышлы авырулары буенча кертелгән төбәк имин булырга тиеш; кертү Баш ветеринария идарәсе белән килештерелергә тиеш, моның өчен алдан ук терлек кертү нияте турында запрос җибәрелә; кертелә торган терлекләрнең һәр партиясенә ветеринария-ветеринария документы рәсмиләштерелергә тиеш; керткәннән соң район яки шәһәр ветеринария хезмәтенә хәбәр итәргә кирәк; хайваннар карантин чаралар үтәргә тиеш.
Мәйданчыкларга таләпләр.
Ветеринария-санитария таләпләре буенча сугым өчен каты өслекле мәйданчык булырга тиеш, биологик калдыкларны һәм органик калдыкларны җыю өчен контейнерлар һәм савытлар куярга кирәк. Оештыручылар калдыкларны тиешле утильләштерүне тәэмин итәргә тиеш. Суюга бары тик сәламәт хайваннар гына рөхсәт ителә.
Сугым урыннарын соңыннан дезинфекцияләргә кирәк. Бу эшне ветеринария хезмәте башкарачак. Моның өчен бездә бөтен кирәкле җиһазлар һәм дезинфектантлар бар.
Бүген республикада корбан чалу өчен 50 рәсми мәйданчык бар, шул исәптән Казанда-18. Барлык мәйданчыкларда да бәйрәм көннәре ветеринария-санитария экспертлары эшләячәк. Ит бирергә теләүчеләргә социаль учреждениеләргә ветеринария-санитария экспертизасы үткәрәчәкләр һәм Ветеринария документларын рәсмиләштерәчәкләр. Әлеге учреждениеләр ветеринария белешмәләреннән һәм таныклыкларыннан башка итне кабул итмиләр.