Илдар Ногманов Яңа Чишмә районы укучыларына "Ясалма интеллект" темасына дәрес үткәрде
Бүген Татарстан Республикасы Министрлар Кабинетының Баш ветеринария идарәсе башлыгы урынбасары Илдар Ногманов Яңа Чишмә районының Петропавлов һәм Черемуховая бистәләре урта мәктәпләрендә "Цифрлы дәрес" үткәрде. 6-9 сыйныф укучылары өчен каралган дәрес "Ясалма интеллект" темасына багышланган иде һәм ул мәгариф учреждениеләрендә башланып киткән "Цифрлы дәрес" республика проекты кысаларында узды.
Балалар белән очрашу җанлы әңгәмә рәвешендә үтте, анда Илдар Ногманов балаларга ясалма интеллект эшенең төп принциплары һәм аның төрле һөнәр вәкилләренә ничек ярдәм итә алуы турында сөйләде. “Без көн саен көндәлек тормышта ясалма интеллект куллану белән очрашабыз һәм бу хакта уйламыйбыз да, - дип билгеләп үтте Илдар Ногманов. - Моның ничек эшләвен сөйләү - безнең уртак бурыч, шуңа күрә "Цифрлы дәрес" теләсә нинди яшьтәге балаларга исәпләнгән". «Цифрлы дәрес» проекты белем платформасын булдыра, аның нигезендә балалар алга таба белем алу процессында үз компетенцияләрен формалаштырачак. Ясалма интеллект - ул безнең киләчәгебез, ә әлеге проект балаларга аны тудырырга ярдәм итә.