Дәүләт ветеринария берләшмәләренең эшчәнлегенә бәя бирелде
Бүген Татарстан Республикасы Министрлар Кабинетының Баш ветеринария идарәсе һәм ведомство карамагындагы учреждениеләрнең киңәшмәсе булды. Киңәшмә Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдинов рәислегендә узды. Чарада Татарстан Республикасы Министрлар Кабинеты Баш ветеринария идарәсенең бүлек башлыклары, дәүләт ветеринария учреждениеләре җитәкчеләре, бухгалтерлар һәм ветеринария берләшмәләре юристлары катнашты.
Дәүләт ветеринария учреждениеләренең финанс-хуҗалык эшчәнлеген анализлау барышында бухгалтерлык исәбе һәм хисаплылык, икътисадый планлаштыру һәм дәүләт заказы бүлеге башлыгы Регина Филиппова чыгыш ясады. Шулай ук кадрлар һәм юридик мәсьәләләр буенча чыгышлар да булды.
Эпизоотиягә каршы чараларны үтәү буенча 2022 елның 1 яртыеллыгында Татарстан Республикасы Министрлар Кабинеты Баш ветеринария идарәсе башлыгы урынбасары Габделхак Мотыйгуллин хәбәр итте. Республика хуҗалыкларында эре мөгезле терлекләрнең сакланышы турында дәвалау-профилактика чаралары бүлеге башлыгы Солтан Латыйпов үткәрде. Киңәшмә барышында шулай ук «Меркурий» федераль системасында эшне оештыру, Татарстан Республикасы территориясенә йогышлы авырулар кертүне һәм таралуны булдырмау буенча бурычлар күтәрелде.
Әлеге темаларга йомгак ясап, Алмаз Хисаметдинов алдагы кварталга бурычларны билгеләде.