Аеруча куркыныч хайван авыруларын булдырмау буенча республика штабы утырышы узды
Бүген Татарстан Республикасы Министрлар Кабинетының Баш ветеринария идарәсе җитәкчесе Алмаз Хисаметдинов "Аеруча куркыныч хайван авыруларын булдырмау буенча республика штабы" утырышында чыгыш ясады. Киңәшмә ТР Премьер-министры урынбасары - авыл хуҗалыгы һәм азык-төлек министры Марат Җәббаров җитәкчелегендә узды.
Киңәшмәдә катнашучылар Оренбург өлкәсендә тилчә авыруы (ящур) теркәлү белән бәйле рәвештә кертүне профилактикалау мәсьәләсе буенча фикер алыштылар.
Баш ветеринария идарәсе җитәкчесе хәбәр итүенчә, Оренбург өлкәсенең Беляев районында шәхси хуҗалыкта мөгезле эре терлекләр арасында тилчә авыруы очрагы теркәлде. Авыру 27 декабрьдә Владимир шәһәрендә урнашкан Хайваннар сәламәтлеген саклау федераль үзәгендә расланды.
Шуңа бәйле рәвештә, Татарстан Республикасы Министрлар Кабинетының Баш ветеринария идарәсе Россия территориясендә хайваннарның аеруча куркыныч чир таралу куркынычы турында кисәтә.
Ел башыннан бу безнең ил территориясендә тилчә (ящур) теркәлүнең беренче очрагы. Агымдагы елның ноябрь аенда Казахстан территориясендә тилчә авыруы очраклары теркәлү турында мәгълүмат килгән иде. Ветеринария белгечләре фаразлаганча, Оренбург өлкәсенә инфекция керү әлеге ил территориясеннән килеп чыккан, дип бара белгечләр, чөнки Беляев районы Казахстан белән чиктәш. Инфекциянең каян кергәне турында рәсми мәгълүмат әлегә юк.
"Тилчә - кеше авырый торган аеруча куркыныч инфекция. Ул йорт һәм кыргый пар тояклы хайваннар өчен куркыныч. Әлеге чир белән мөгезле вак терлекләр һәм дуңгызлар да авырый. Яшь терлекләр авыруны олы терлекләрдән авыррак уза. Тилчәнең төп клиник билгеләре - авыз куышлыгының лайлалы тышчасында куыклар чыгу, тиредә җәрәхәтләр барлыкка килә", - дип билгеләде Алмаз Хисаметдинов.
Кешеләр чирле хайваннарның сырлы сөте һәм аны эшкәртү продуктлары аша, сирәгрәк ит аша ящур белән зарарланырга мөмкин. Теркәлгән вакытта икътисади зыян бик зур. Ящура ачыкланганда терлекнең баш санын алу, аны кансыз сую һәм яндыру эшләре алып барыла.
«Шуңа бәйле рәвештә карантин чараларын көчәйтергә кирәк. Оренбург өлкәсе территориясеннән терлек кертүне тыярга, Меркурийлар системасы буенча кертүне контрольдә тотарга, кирәк булса, имин булмаган төбәкләр белән чиктә постлар урнаштыру мәсьәләсен эшләргә кирәк", - дип тәмамлады утырышны Марат Җәббаров.
Барлык тәкъдимнәр оператив тәртиптә республиканың һәр муниципалитетына җиткереләчәк.