Владимир Путин авыл хуҗалыгы продукциясен экспортка чыгаруда ветеринария контролен тәэмин итә торган законга кул куйды
Россия Президенты Владимир Путин Россия авыл хуҗалыгы продукциясен экспортка чыгаруда ветеринария контроле йөкләмәләрен үтәүне тәэмин итә торган законга кул куйды. Бу йөкләмәләр Россиянең Бөтендөнья сәүдә оешмасына кушылуы вакытында алынган иде.
Документ белән ветеринария турындагы законга төзәтмәләр каралган, аның белән Хокукый мәгълүматның рәсми порталында танышырга мөмкин. Закон 2023 елның 1 мартыннан үз көченә керәчәк.
Закон нигезендә, Россия Федерациясе Хөкүмәте терлекчелек продукциясен экспортка җибәрүче предприятиеләрне тикшерү тәртибен билгеләячәк.
Аларны тикшерү тәртибе гариза бирүче һәм бушлай булачак. Терлек үстерелә һәм асрала торган, шулай ук экспортка җибәрелә торган терлекчелек продукциясе җитештерелә, саклана һәм эшкәртелә торган предприятиеләр тикшереләчәк. Документтан күренгәнчә, предприятиеләрне импортер дәүләтләрнең таләбенә тикшерүне Россельхознадзор үткәрә.
Тикшерү, аерым алганда, объектны карау, әлеге процессларны характерлый торган җитештерү процессларына анализ ясау, шулай ук предприятие урнашкан территориядәге эпизоотик вәзгыятьне анализлауны күздә тота.
Яңа закон терлекчелек продукциясен экспортка чыгаруны арттырырга һәм аның барлык халыкара таләпләргә туры килүенә ярдәм итәчәк, дип аңлатты элек Россия Федерациясе Авыл хуҗалыгы министры урынбасары Максим Увайдов. 2020 ел эчендә Россия аграрийлары экспортта рекордлы сумма – 30 млрд доллардан артык акча эшләгән.