РФ Авыл хуҗалыгы министрлыгы атлар гриппы авыруы буенча яңартылган ветеринария кагыйдәләрен кабул итте

2021 елның 26 октябре, сишәмбе

Россия Федерациясе Авыл хуҗалыгы министрлыгының "Атлар гриппы чыганакларын таратуны һәм бетерүне булдырмауга юнәлдерелгән профилактик, диагностик, дәвалау, чикләү һәм башка чараларны гамәлгә ашыруның ветеринария кагыйдәләрен раслау турында" 2021 елның 16 сентябрендәге 635 номерлы яңа Боерыгы басылып чыкты.

Документ 2021 елның 16 сентябрендә имзаланды. 2022 елның 1 мартыннан үз көченә керә һәм 2028 елның 1 мартына кадәр гамәлдә булачак. Боерыкның эчтәлеге белән төгәлрәк хокукый мәгълүматның рәсми интернет-порталында таныша аласыз.