Минзәлә районы дәүләт ветеринария берләшмәсе эшчәнлеге буенча ревизия нәтиҗәләре ясалды

2021 елның 28 июне, дүшәмбе

Бүген ТР Министрлар Кабинетының Баш ветеринария идарәсе җитәкчесе Алмаз Хисаметдинов рәислегендә, ревизия нәтиҗәләре буенча киңәшмә узды. Ул Минзәлә районының дәүләт ветеринария берләшмәсе эшчәнлегенә карата оештырылган иде.

Киңәшмәдә фикер алышуда идарәнең бүлек җитәкчеләре һәм Минзәлә районының дәүләт ветеринария берләшмәсе җитәкчесе катнашты. Биредә финанс-хуҗалык өлкәсенә кагылышлы сораулар һәм ветеринария белгечләренең эшчәнлеге турында сүз алып бардылар.