Баш ветеринария идарәсендә ветеринария-санитария экспертизасы бүлекләре эшчәнлегенә атналык нәтиҗә ясадылар

2021 елның 7 июне, дүшәмбе

Бүген ТР Министрлар Кабинетының Баш ветеринария идарәсендә видеоконфереция режимында ветеринария-санитария экспертизасы бүлекләре эшчәнлегенә анализ ясауга багышланган киңәшмә узды. Киңәшмә Баш ветеринария идарәсе җитәкчесе Алмаз Хисаметдинов рәислегендә үтте.

Утырышта Баш ветеринария идарәсе җитәкчесе урынбасары Габделхак Мотыйгуллин һәм ветеринария иминлеген тәэмин итү, ветеринария-санитария экспертизасы һәм дәүләт күзәтчелеге бүлегенең алдынгы киңәшчесе Ирина Тарутина катнашты. Киңәшмә барышында Сарман, Спасс, Тәтеш, Ютазы, Кукмара муниципаль районнары дәүләт ветеринария берләшмәләренең эшчәнлеге тикшерелде.