ТР Министрлар Кабинетының Баш ветеринария идарәсе башлыгы Алмаз Хисаметдиновның Җиңү көне белән котлавы
Хөрмәтле Бөек Ватан сугышы ветераннары, тыл батырлары, балалык еллары сугыш чорына туры килгән өлкәннәр! Хөрмәтле ватандашлар, хезмәттәшләр! Сезне Бөек Җиңү көне белән котлыйм! Сезгә тыныч күк йөзе, нык сәламәтлек, озын гомер, игътибар, кадер-хөрмәт телим.
Бөек Җиңү көне – барыбыз өчен дә кадерле бәйрәм. 76 ел элек сугыш уты яндырган, җимерелгән Җиребезгә Җиңү көне тынычлык алып килде. Бу көнне без яу кырында һәлак булганнарны искә алыйк, исән калган ветераннарны, сугышта катнашучыларның тол хатыннарын, тыл хезмәтчәннәрен хөрмәт итәчәкбез, алар да хезмәт фронтында җиңүне якынайттылар.
Ветераннарыбыз өлешенә авыр сынаулар туры килде, алар үз көчләрен кызганмыйча гына җиңеп чыктылар. Дошман белән кырыс көрәштә алар Ватаныбызның азатлыгын һәм бәйсезлеген якладылар.
Хөрмәтле ветераннар! Тынычлыкны саклаганнары, сугыш кырындагы һәм тылдагы батырлыклар, сугыштан соңгы елларда илебезне яңадан торгызу буенча көчтән килмәгән хезмәтләре өчен ихлас рәхмәтләремне кабул итеп алыгыз. Сезнең алда баш иябез!