ТР МК Баш ветеринария идарәсе башлыгы урынбасары Габделхак Мотыйгуллин Яшел Үзән районында булды
Терлекчелекне уңышлы алып бару өчен биналарны вакытында дезинфекцияләү мәҗбүри шарт булып тора.
Мондый чараларны үткәрү законнарда каралган. Авыл хуҗалыгы предприятиесе җитәкчесе вазыйфасына терлекчелек фермаларының тиешле санитар халәттә тотылуын контрольдә тоту керә.
Биналарны ел фасылына карамастан, даими рәвештә зарарсызландырырга кирәк. Аннан соң терлекчелек биналарына дезинфекция үткәрү турында акт төзелә, анда дезинфекция чараларын эшкәртү төре, чыгымнары, биналарның мәйданы һәм башка мәгълүматлар күрсәтелә.
Шулай итеп, бүген Татарстан Республикасы Министрлар Кабинетының Баш ветеринария идарәсе башлыгы урынбасары Габделхак Мотыйгуллин, Россельхознадзорның Татарстан Республикасы буенча идарәсе җитәкчесе урынбасары Евгений Иванов белән берлектә, Зеленодольск районының «Залесный «агрофирмасы» ҖЧҖендә эш визиты белән булдылар.
Визит барышында белгечләр корпусларны дезинфекцияләү сыйфатын тикшерделәр.