ТР МК Баш ветеринария идарәсе башлыгы Алмаз Хисаметдинов Биектау районы авыл хуҗалыгы предприятиеләрендә булды
Республиканың агросәнәгать комплексында сөт терлекчелегенең нәтиҗәлелеген арттыру, җитештерү күрсәткечләрен арттыру, югары продуктлы таналар үстерү, сөт җитештерү, терлекләрне ашату һәм үрчетү мәсьәләләрендә практик ярдәм күрсәтү максатларында республика авыл хуҗалыгы предприятиеләренең терлекчелек секторы үсешен анализлау буенча эшче төркем төзелде.
Шулай итеп, бүген Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдинов һәм Татарстан Республикасы Авыл хуҗалыгы һәм азык-төлек министры урынбасары Ленар Гарипов эш сәфәре белән Биектау районында булды.
Чарада шулай ук дәвалау-профилактика чаралары бүлеге башлыгы Солтан Латыйпов, Республика ветеринария лабораториясе директоры урынбасары Рөстәм Хашимов һәм башка җаваплы затлар катнашты.
Эш сәфәре барышында 0 айдан 6 айга кадәр мөгезле эре терлекне үстерү һәм терлекләрнең баш санын саклап калу технологияләре мәсьәләләре буенча фикер алыштылар. Очрашу ахырында алар терлекләрне тоту шартлары, аларны ашату һәм бозауларның йогышлы авыруларын профилактикалау схемалары мәсьәләләрен карадылар.