Ни өчен умарталыкның ветеринария-санитария паспорты булуы мөһим
Бизнесның теләсә кайсы төре кебек үк, умартачылык өлкәсе дә документлар әзерләүне таләп итә. Эшчәнлек алып бару өчен һәр умартачыга кирәкле төп документлар исемлегенә түбәндәгеләр керә: ветеринария паспорты, паспорт, шәхси хуҗалык турында белешмә.
Умарталыкның ветеринария паспорты - умартачыда булырга тиешле иң мөһим документ.
Паспортны ничек алырга?
Ветеринария паспорты алу өчен район (шәһәр) Баш ветеринария табибы исеменә тиешле формада гариза язарга кирәк. Гариза языла төгәл аңлаешлы почерк белән язылырга тиеш. Анда умарталарның урнашуы, умарталарның хуҗасы һәм саны турында мәгълүматлар күрсәтелә. Гаризаны ветеринария хезмәтендә теркиләр, шуннан соң ветеринария хезмәткәре умартачылык хуҗалыгын тикшерә һәм лаборатор тикшеренүләр өчен материал ала. Нәтиҗәләр килгәннән соң паспорт бирелә.
Документка түбәндәге мәгълүматлар языла:
Умарталыкка тасвирлама;
Санитар-ветеринария шартлары;
Лаборатор анализлар булу турында мәгълүмат;
Эпизоотик контроль мәгълүматлары;
Авыруларны профилактикалау буенча киңәшләр;
Умарталык паспорты хуҗага умартачылык һәм умартачылык продуктларын сату, шулай ук умарталарны ташу мөмкинлеге бирә.
Ветеринария контроле
Умартачыларга бал һәм умартачылык продуктларына ветеринария сертификаты рәсмиләштерергә кирәк. Әлеге документ "Меркурий" системасында рәсмиләштерелә һәм аккредитацияләнгән лабораторияләрдә товарны тикшергәннән соң бирелә. Бал тәме, төсе, консистенциясе, шулай ук составы, кислоталыгы һәм катнашмалар булу-булмауга тест ясыйлар.
«Мөрәҗәгатькә үзгәртелгән органолептик, физик-химик күрсәткечләре, шулай ук табигый яки синтетик гормональ матдәләр булган бал һәм умартачылык продуктлары рөхсәт ителми», – дип хәбәр итә Россия Федерациясе Авыл хуҗалыгы күзәтчелеге.
Дәүләт ветеринария табиблары ел саен йогышлы һәм паразитар авырулар булуга умарталыкларны тикшерәләр, мондый авыруларга каршы эшкәртәләр һәм бу хакта ветеринария-санитария паспортларына мәгълүматлар кертәләр.