ТР Президенты Рөстәм Миңнеханов бүген «Казан» Агросәнәгать паркында булды, анда азык-төлек продуктлары булуны бәяләде

2020 елның 21 марты, шимбә

Карау барышында Президент сәүдә рәтләре буенча узды, сатучылар һәм сатып алучылар белән сөйләште. Базарда яхшы шартлар тудырылган, атарстанлылар күтәренке кәеф белән азык-төлек продуктлары сатып ала, дип хәбәр итә республика җитәкчесенең матбугат хезмәте. «Барысы да бар. Афәрин» — диде Президент.

Элегрәк Рөстәм Миңнеханов Казанда «Агат» күпләп-ваклап сату челтәренең гипермаркетларының берсендә булды, анда шулай ук азык-төлек продуктлары һәм беренче чиратта кирәкле товарлар булуын тикшерде.