Әлки ветеринария берләшмәсендә кече ветеринария белгечләрен укыту тәмамланды
Бүген Әлки районы ветеринария берләшмәсендә «Әлки РДВБ» җитәкчесе Камил Хәйруллин, ТР Министрлар Кабинеты Баш ветеринария идарәсе вәкиле Рөстәм Шәяхмәтов һәм «Алексеевск агрокөллияте» ДПУНЕҢ «Ветеринария» белгечлеге буенча укытучысы Рафис Гатауллин " ерлекчеләрне беренче ветеринария ярдәме күрсәтү күнекмәләренә өйрәтү” курсларын узу турында сертификатлар тапшырдылар.
"Терлекчеләрне беренче ветеринария ярдәме күрсәтү күнекмәләренә өйрәтү” – укыту программасы агросәнәгать комплексында эшләүче, әмма ветеринария белгечлекләре булмаган эшчеләргә әзерләнгән. Терлекчеләр, сыер савучылар ягъни күпчелек вакытын мал-туар янында уздырган хезмәткәрләр өчен каралган.
Укытуның төп максаты – хайванның беренче авыру билгеләрен ачыклау. Ягъни ветеринар табиб килгәнче, хайванга беренче ветеринария ярдәме күрсәтү буенча күнекмәләргә өйрәнү.