ТР Министрлар Кабинетының Баш ветеринария идарәсе башлыгы Алмаз Хисаметдинов Яңа Чишмә муниципаль районы Советының хисап утырышында катнашты

2020 елның 17 феврале, дүшәмбе

Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдинов Яңа Чишмә муниципаль районы Советының хисап утырышында катнашты.

Яңа Чишмә районы муниципаль берәмлекләрнең һәм шәһәр округларының социаль-икътисадый үсеше буенча гомуми рейтингта ел башына караганда ике пунктка күрсәткечләрне яхшыртып, 4 нче урында тора. Бу хакта Яңа Чишмә муниципаль районы Советының хисап утырышында район башлыгы Вячеслав Козлов хәбәр итте. Утырышта Вячеслав Козлов оешма-предприятиеләр җитәкчеләре, район активы алдында районның 2019 елда социаль-икътисади үсеш нәтиҗәләре, шулай ук 2020 елга планлаштырыла торган бурычлар турында хисап тотты.