Тәтеш ветеринария берләшмәсе гражданнар җыенында актив катнаша

2020 елның 17 гыйнвары, җомга

Тәтеш районында районның муниципаль һәм дәүләт хезмәтләре катнашында гражданнар җыеннары башланды.

Тәтеш ветеринария берләшмәсе шулай ук күчмә җыелышларда да актив катнаша. Авыл халкы өчен Татарстан Республикасында һәм тулаем Россия Федерациясендә эпизоотик хәл турында мәгълүмат җиткерелде. Шулай ук шәхси хуҗалыкларда йорт хайваннарын һәм кош-кортны карап тоту буенча, ветеринария законнары нигезендә, тәкъдимнәр бирелде. Очрашу барышында аеруча куркыныч авырулар, районда инфекцияләр учакларын ничек сакларга һәм булдырмаска кирәклеге турында да сүз барды.

Гражданнар җыены җирле әһәмияттәге мәсьәләләрне хәл итү максатыннан үткәрелә.