Чаллыда Корбан бәйрәменә әзерләнәләр.
Бу хакта "Челненские Известия"газетасы хәбәр итә.Алдагы еллардагы кебек үк, Сидоровка бистәсендә Корбан гаете уңаеннан махсус мәйданчык төзеләчәк, беренчеләрдән булып ветеринария хезмәтләре әзерләнә башлады. Исегезгә төшерәбез, быел Корбан бәйрәме якшәмбе көнне, 11 августта билгеләп үтеләчәк. Шәһәрнең баш ветеринария табибы Илдар Ногманов «Чаллы хәбәрләренә» кичә мөхтәсибәт вәкилләре, Чаллы һәм Тукай районының ветеринария хезмәте белгечләре катнашында киңәшмә узды, дип сөйләде. «Узган еллардагы кебек, Сидоровка бистәсендәге ит комбинаты янында алдан ук корбан чалу өчен махсус мәйданчык әзерләнәчәк, – дип хәбәр итте ул. - Анда йорт терлекләрен түшкәләү буенча барлык тиешле хезмәтләр дә оештырылачак». Августта эсселек көтелүен исәпкә алып, тиресләр белән әзерләргә карар ителгән. Тәэмин итүчеләр шәһәрлеләр өчен өч меңгә якын хайван алып килер дип көтелә-бу узган елгы бәйрәм дәрәҗәсендә. Корбаннарның күпчелеген гадәттәгечә Тукай, Актаныш, Зәй, Минзәлә, Сарман, Менделеевск районнарыннан алып киләләр. Барлык машина йөртүчеләрнең накладныйларын мәҗбүри рәвештә тикшерә, ә хайваннар тиешле ветконтроль уза. Сүз уңаенда, килгән машиналар накладной һәм фургоннарда терлекләр күп булу сәбәпле кабул итмәгән очраклар да булган. Июль уртасында ветеринария хезмәте катнашында тагын бер киңәшмә үткәрү планлаштырыла.