Баш ветеринария идарәсе башлыгы Алмаз Хисаметдинов "Роспотребнадзор" ның Татарстан Республикасы буенча идарәсе коллегиясендә доклад белән чыгыш ясады.
Бүген Татарстан Республикасы Министрлар Кабинетының Баш ветеринария идарәсе башлыгы - Татарстан Республикасы Баш дәүләт ветеринария инспекторы Алмаз Хисаметдинов "Роспотребнадзор" ның Татарстан Республикасы буенча идарәсе коллегиясендә доклад белән чыгыш ясады һәм кеше һәм хайваннар өчен уртак авыруларны профилактикалау буенча Баш ветеринария идарәсенең һәм Роспотребнадзорның Татарстан Республикасы буенча идарәсенең уртак эше турында сөйләде.
Республика ветеринария хезмәтенең уңышлы эше Роспотребнадзорның Татарстан Республикасы буенча идарәсе белән тыгыз хезмәттәшлектән башка мөмкин түгел. Безнең хезмәтләрнең эшчәнлеге халыкны кеше һәм хайваннар өчен уртак чирләрдән саклауга юнәлдерелгән. Бүгенге көндә безнең республика күп кенә йогышлы авырулар буенча имин. Шуңа да карамастан, ел дәвамында котыру авыруы һәм кош гриппы буенча билгеле бер проблемалар булды. Безнең Идарәләребез тарафыннан республиканың азык-төлек иминлеген тәэмин итү буенча зур эш алып барыла. Моның өчен бик зур рәхмәт белдерәбез, һәм 2019 елда алга таба да нәтиҗәле хезмәттәшлеккә исәп тотабыз.